ពេទ្យកុមារ

ផ្នែកកុមារ នៃមន្ទីរពេទ្យ អុីនធ័រឃែរ​​​ ផ្តល់ជូននូវការថែទាំប្រកបដោយវិជ្ជាជីវៈ និងក្តីមេត្តាយ៉ាងទូលំទូលាយ សម្រាប់កុមារចាប់ពីទើបនឹងកើត រហូតដល់អាយុ ១៥ ឆ្នាំ។ ក្រុមការងារជំនាញរបស់យើង ដែលដឹកនាំដោយគ្រូពេទ្យឯកទេសកុមារដ៏មានបទពិសោធន៍មកពីប្រទេសម៉ាឡេស៊ី រួមជាមួយក្រុមគ្រូពេទ្យក្នុងស្រុកដែលខិតខំប្រឹងប្រែង យកចិត្តទុកដាក់ខ្ពស់លើគ្រប់ទិដ្ឋភាពនៃសុខុមាលភាពរបស់កុមារ ដោយផ្តល់នូវការពិនិត្យតាមដានកម្រិតជំនាញលើការលូតលាស់ ការវិវឌ្ឍផ្នែកផ្លូវចិត្ត និងមនោសញ្ចេតនា/អាកប្បកិរិយា ការពិនិត្យសុខភាពទូទៅ ការចាក់វ៉ាក់សាំង និងការដោះស្រាយរោគវិនិច្ឆ័យយ៉ាងម៉ត់ចត់។ យើងផ្តល់ជូននូវការថែទាំស្របតាមតម្រូវការជាក់ស្តែង និងផ្អែកលើការស្រាវជ្រាវវេជ្ជសាស្ត្រច្បាស់លាស់ ព្រមទាំងផ្តល់ការអប់រំណែនាំ និងការគាំទ្រដល់មាតាបិតា ដើម្បីធានាបាននូវសុខភាពល្អបរិបូរណ៍ និងសុភមង្គលរបស់បុត្រធីតាអ្នក។