ការវះកាត់

អំពី

មន្ទីរពេទ្យ អុីនធ័រឃែរ ផ្តល់ជូននូវសេវាកម្មវះកាត់យ៉ាងទូលំទូលាយសម្រាប់អ្នកជំងឺគ្រប់វ័យ ចាប់តាំងពីទារកទើបនឹងកើតរហូតដល់មនុស្សពេញវ័យ។ យើងមានមោទនភាពចំពោះក្រុមគ្រូពេទ្យឯកទេសលំដាប់អន្តរជាតិ ដែលរួមមានគ្រូពេទ្យវះកាត់ គ្រូពេទ្យសណ្តំ និងក្រុមការងារគិលានុបដ្ឋាយិកាទទួលបានការបណ្តុះបណ្តាលយ៉ាងជំនាញមកពីជុំវិញពិភពលោក ប្រកបដោយបទពិសោធន៍ដ៏សម្បូរបែប ក្នុងការផ្តល់នូវការថែទាំនិងការវះកាត់ស្តង់ដារអន្តរជាតិ ទាំងការវះកាត់តូច និងការវះកាត់ធំ។

ក្រុមគ្រូពេទ្យឯកទេសរបស់យើងផ្តល់នូវការថែទាំវះកាត់ប្រកបដោយគុណភាពខ្ពស់លើជំនាញជាច្រើនដូចជា៖

គ្រូពេទ្យវះកាត់ទូទៅដែលមានជំនាញលើផ្នែកជំងឺមហារីក ការវះកាត់ចោះដែលមានមុខរបួសតូច ការវះកាត់ដោះ និងក្រពេញទីរ៉ូអ៊ីត ជាដើម
សេវាកម្មផ្នែកឆ្អឹង និងសន្លាក់៖ គ្រប់គ្រងលើការថែទាំព្យាបាលការប៉ះទង្គិចផ្លូវចិត្ត/របួសធ្ងន់ធ្ងរ របួសពីការលេងកីឡា និងការវះកាត់ប្តូរសន្លាក់
សេវាកម្មផ្នែកត្រចៀក ច្រមុះ និងបំពង់ក
សេវាកម្មផ្នែកកុមារ៖ គ្របដណ្តប់លើសេវាវះកាត់ទារកទើបនឹងកើត ជំងឺពីកំណើត វះកាត់ទូទៅ និងប្រព័ន្ធតម្រងនោម/ផ្លូវម៉ូត្រកុមារ
វះកាត់រោគស្ត្រី៖ ផ្តល់នូវនីតិវិធីវះកាត់ដោយការចោះ

ក្រុមគ្រូពេទ្យសណ្តំរបស់យើង ត្រូវបានដឹកនាំដោយគ្រូពេទ្យដ៏ឆ្នើមនិងមានចំណេះដឹងខ្ពស់មកពីប្រទេសបារាំង ដែលធានាថាការថែទាំផ្នែកសណ្តំនិងស្ពឹក គឺស្ថិតក្នុងកម្រិតស្តង់ដារខ្ពស់បំផុត ដើម្បីផ្តល់នូវការវះកាត់ប្រកបដោយសុវត្ថិភាព ដល់ទាំងមនុស្សពេញវ័យ និងកុមារគ្រប់វ័យ ព្រមទាំងគ្រប់តម្រូវការវេជ្ជសាស្ត្រ។

ក្រុមការងារនៅក្នុងបន្ទប់វះកាត់ ធ្វើការសហការគ្នាយ៉ាងជិតស្និទ្ធជាមួយគិលានុបដ្ឋាយិកាដែលមានទេពកោសល្យ និងការប្តេជ្ញាចិត្តខ្ពស់ ទាំងនៅក្នុងបន្ទប់វះកាត់ ផ្នែកសម្រាកព្យាបាល ផ្នែកសង្គ្រោះបន្ទាន់ និងផ្នែកពិគ្រោះជំងឺក្រៅ ដើម្បីផ្តល់នូវការថែទាំជារួម និងពេញលេញ ចាប់តាំងពីការចាប់ផ្តើមដំណើរការវះកាត់របស់អ្នកជំងឺរហូតដល់បញ្ចប់។ ការថែទាំត្រូវបានផ្តល់ជូនប្រកបដោយក្តីមេត្តា វិជ្ជាជីវៈ និងផ្អែកលើភស្តុតាងស្រាវជ្រាវវេជ្ជសាស្ត្រច្បាស់លាស់។

មន្ទីរពេទ្យ អុីនធ័រឃែរ រីករាយស្វាគមន៍អ្នកជំងឺមកកាន់សេវាកម្មវះកាត់គ្រប់ពេលវេលា ទាំងថ្ងៃទាំងយប់។